Porto supera en novembro o resultado total de 2010

Xoves 15 de Decembro de 2011 13:34

O aeroporto de Porto superou o pasado mes de novembro a cifra histórica de 5.280.812 pasaxeiros rexistrada ao peche do ano 2010. Así, no penúltimo mes do ano pasaron polo Sá Carneiro 368.414 usuarios contabilizándose 4.117 movementos, polo que no total acumulado constátase un crecemento de 14,9%, cun total de 5.565.450 pasaxeiros, 722.524 usuarios máis que en novembro de 2010.

Estes resultados verifícanse a pesar de que en novembro diminuíu un 3,7% o número de pasaxeiros e un 8,1% o de movementos fronte ao período homólogo do ano anterior, o que se traduce no primeiro descenso de tráfico mensual logo de 10 meses consecutivos de crecemento.

Aínda que en novembro reduciuse o número de destinos ofrecidos (-10,6% fronte ao mesmo mes de 2010), trátase dun resultado satisfactorio rexistrándose un apreciable aumento na taxa de ocupación das compañías aéreas.

Durante o pasado mes, as compañías aéreas que máis se destacaron foron Luxair ( 23,5%) seguida de Lufthansa ( 21,5%) e EasyJet ( 8,6%). París, con 64.480 pasaxeiros, Frankfurt, con 32.334 e Madrid, con 32.082 son os destinos preferidos polos usuarios do aeroporto luso.

Novidades

O próximo 4 de abril de 2012, Ryanair inaugurará a nova ruta O Porto-Dole, que contará con dúas frecuencias semanais, os xoves e domingos.

O 30 de marzo de 2012, EasyJet inaugurará a ruta O Porto-Toulouse, queoperará tres veces por semana, os martes, xoves e sábados.

Transavia aumentará a súa oferta de voos para o verán 2012, de modo que a ruta O Porto-Funchal pasará a ser diaria excepto o sábado e a ruta O Porto-París Orly contará con dous voos diarios.